كل ما يخطر على بالك من برامج
 
الرئيسيةالتسجيلدخول

 

 كلمات أغنيتين هيعجبوكم جدا .. شوفوووووووها

اذهب الى الأسفل 
كاتب الموضوعرسالة
Admin
مدير الموقع
مدير الموقع
Admin

عدد المساهمات : 82
تاريخ التسجيل : 07/02/2009

كلمات أغنيتين هيعجبوكم جدا .. شوفوووووووها Empty
مُساهمةموضوع: كلمات أغنيتين هيعجبوكم جدا .. شوفوووووووها   كلمات أغنيتين هيعجبوكم جدا .. شوفوووووووها Icon_minitimeالسبت أبريل 25, 2009 1:48 am

البيوت أسرار



بيت صغير بس جنه بيت بشكلو يا ناس فتنا
جوا منه قايده نار
البيوت زي القلوب ليها نبض وفيها روح
مش مجرد رص طوب ده كل قالب فيه جروح
متحولش تكتشفها او تزيح عنها الستار
سيبها متقلبش فيها دا الرماد بيغطي نار
اوعى تاخد بالمظاهر حتى لو شوفت الستاير
زي طير بجناحه طاير بالسعاده والسرور
دى البيوت عليها زينه وجوه منها قلوب حزينه
والى فيها بعيد عليك كل نار على البعد نور
كل بيت جواه همومه ليه يا ناس عالناس تلوموا
عاللي بيدارى فى هدومه جرح نايم من سنين
كل واحد له عيوبه واللي تايب من ذنوبه
ليه نقطع ليه فى توبه والبرئ من الذنب مين
دى القلوب مليانه ياما من الهموم يلا السلامه
ليه ندريها بالابتسامه طعمها يكتب مرار
دى البيوت اسرار خفيه عن عيونا مداريه
والى ايدو يا ناس فى ميه يعذر اللى ايديه فى نار
دى بيوت مقفول بيبانها بس برحه عن مكانها
ليها ريحه من حنانها تلمس القلب الحنون
في بيوت مفتوحه لكن الشيطان جواها ساكن
والقلوب زي المساكن والشبابيك عيون

متحولش تكتشفها او تزيح عن الصبر
سيبها متقلبش فيها دا الرماد بيغطي نار



حاليا بالأسواق



موال



حاليا بالأسواق كدب وغش وغدر وقسوه
وفيه أزمة أخلاق
حاليا بالأسواق ناس يكفينا الشر تجري
تقطع فى الأرزاق
الاحساس مبقاش له قيمه والاخلاص بقى موضه قديمه
ولاد 9 فى الشر تسعه
ولفين رايحين محنش عارفين ضايعين تايهين مجاريح مساكين
عايشين ومش عايشين
وجراح تجر جراح قوليلنا يا دنيا فين الدوا
عالم رايحه وعالم جايه وعالم تايه فى وسط السوق
ونفوس والله ضايعة وضاله ناس حريفه أكل حقوق
الى يحبك علشان عله واللى كأنو مسكلك زله
والى بيغدر ويا ساتر استر إن كان رزقك على مخلوق
ولا الصاحب اللى ملوش لزمه
اللى يسيبك وقت الأزمه
مهما اتهرب بكرة يجرب مهو من نفس الكاس هيدوق
غيرة وجرح وظلم يا دنيا دا اللى فى الأسواق
ناس بتخونك وتزيد جرحك وبتفتحلك جرح قديم
وتخونعيشك وتخون ملحك وانت معاهم كنت كريم
كنت فاكرهم والله ملايكه لكن دول طلعو على الرايجه
يخطفوا حبك وتلاقى قلبك مبقاش فيه ولا جزء سليم
تدى حنان يترد قساوة تعمل خير يترد عداوه
ناس مش هما زي الغمه منهم يا رحمان يا رحيم
ناس مخنوقه وناس مضايقه وناس مش طايقه لبعض كلام
ناس مرتاحه وفايقه ورايقه ناس تتحايل على الأيام
ناس جواها الشر بيرعى خلو الحب مجرد سلعه
عايز حب وشوق وموده ممكن بس هتدفع كام
حتى الحب خلاص راح زمنه بقى ليه سعر وكله بتمنو
تدفع أكتر اضحك كركر والمسأله مش عايزة علام
غيرة وجرح وظلم يا دنيا ده الى فى الاسواق
خلق بتسرق عمرك سرقه وعلى القسوه ميتوصوش
خير تعمل شر تلقى ناس بصراحه ميستهلوش
يخدو حنانك ويزيدوا همك عايزين بس يمصو فى دمك
تفضل تدى وتدى وتدى يفضلو ياخدو وما بيدوش
يدخلو بيتك يكشفو سترك يطلعو برا يجيبو فى سيرتك
ضهرك ضهرك وشك وشك دول على السر ميتأمنوش
احنا يا دنيا تعبنا يا دنيا واتعذبنا شهور وسنين
ياما عاشرنا وعيشنا وشوفنا بنى ادمين مش بنى ادمين
شوفت اللى بيتدارا فى جهله والى ملوش خير حتى فى اهله
واللى بيحرم نفسو يا دنيا علشان يسعد ناس تانيين
واللى محدش أبدا همه واللى بينكر لحمه ودمه
واللى مزعل فيه ابو وامه وعليه غضبو ليوم الدين
غيرة وجرح وظلم يا دنيا ده الى فى الاسواق




الأغنيتين دول طبعا لطارق الشيخ ... اسمعوهم وقولوا رأيكم
الرجوع الى أعلى الصفحة اذهب الى الأسفل
https://elhanan.ahlamontada.com
 
كلمات أغنيتين هيعجبوكم جدا .. شوفوووووووها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الحنان :: ღღ المہٌلتہٌقہٌى الہٌعہٌام ღღ ( يشاهده 20 زائر )-
انتقل الى: